Megaxeber.az məlumat verir ki, Azərbaycanda müəllimlərin əməkhaqqısı ilə bağlı narazılıqlar və müzakirələr davam edir.
Rəsmi məlumata əsasən, 2025–2026-cı tədris ilində ümumi təhsil müəssisələrində müəllimlərin orta aylıq əməkhaqqının 965 manat, Bakı şəhərində isə 1109 manat olduğu bildirilir.
Lakin ortaya ciddi sual çıxır: cəmiyyətin gələcək nəslini yetişdirən müəllimin aldığı əməkhaqqı onun məsuliyyəti və gündəlik yaşayış xərcləri ilə nə dərəcədə uyğun gəlir?
Müəllimdən yüksək nəticə, əlavə hazırlıq, şagirdlərlə fərdi iş və böyük məsuliyyət tələb olunur. Bunun fonunda maaşların yaşayış xərcləri qarşısında kifayət edib-etmədiyi isə ayrıca müzakirə mövzusudur.
Tənqidçilər hesab edirlər ki, müəllimin əməyinin dəyəri yalnız statistik “orta maaş” göstəricisi ilə ölçülməməlidir. Əməkhaqqının real yaşayış səviyyəsi ilə müqayisəsi də nəzərə alınmalıdır.
