İran, İsrailə qarşı həyata keçirdiyi zərbələr zamanı ilk dəfə “Nəsrullah” raket sistemini tətbiq edib. Megaxeber.az xəbər verir ki, bu barədə Fars Xəbər Agentliyi İslam İnqilabı Keşikçiləri Korpusu-a istinadən məlumat yayıb.
Məlumata görə, Hayfa və Aşdod şəhərlərində yerləşən neft emalı zavodlarına (NEZ) qarşı həyata keçirilən əməliyyat zamanı ilk dəfə “Nəsrullah” sistemi – təkmilləşdirilmiş və idarə olunan “Qədr” tipli raket istifadə olunub.
Bununla belə, İsrail rəsmiləri hücum nəticəsində ciddi zərərin qeydə alınmadığını bildiriblər. Rəsmi açıqlamaya görə, zavod ərazisində baş verən dağıntılar birbaşa zərbə ilə deyil, hava hücumundan müdafiə sistemləri tərəfindən zərərsizləşdirilmiş ballistik raketin qalıqlarının düşməsi nəticəsində yaranıb.
Qeyd olunur ki, regionda gərginliyin bu cür artması həm infrastruktur, həm də mülki təhlükəsizlik baxımından ciddi risklər yaradır və tərəflərin hərbi addımları vəziyyəti daha da mürəkkəbləşdirə bilər.
