İsrail Müdafiə Qüvvələri Suriyanın cənubunda yerləşən bir sıra hərbi obyektlərə hava zərbələri endirib.
Megaxeber.az istinadən xəbər verilir ki, bu barədə İsrail ordusunun yaydığı açıqlamada bildirilib.
Məlumata görə, əməliyyat Əs-Süveyda bölgəsində druz icmasına qarşı baş verən hücumlara cavab olaraq həyata keçirilib və təhlükəsizlik tədbiri kimi qiymətləndirilib.
Açıqlamada qeyd olunub ki, zərbələr Suriya hökumət qüvvələrinə aid komanda-idarəetmə məntəqəsi və silah-sursat anbarlarına yönəlib.
İsrail tərəfi vurğulayıb ki, regionda sabitliyin qorunması və sərhəd yaxınlığında təhlükələrin qarşısının alınması üçün vəziyyət diqqətlə izlənilir və zəruri addımlar atılmağa davam ediləcək.
